Bihar : ਹੁਣ 6 ਨਵੰਬਰ ਨੂੰ ਵੀ ਸਰਕਾਰੀ ਸਕੂਲਾਂ ਵਿੱਚ ਛਠ ਦੀ ਛੁੱਟੀ ਹੋਵੇਗੀ। ਇਸ ਸਬੰਧੀ ਹੁਕਮ ਜਾਰੀ ਕਰ ਦਿੱਤਾ ਗਿਆ ਹੈ। ਸਰਕਾਰੀ ਸਕੂਲਾਂ ਦੇ ਅਧਿਆਪਕਾਂ ਦੀ ਮੰਗ ਸੀ ਕਿ ਦੀਵਾਲੀ ਤੋਂ ਛਠ ਪੂਜਾ ਤੱਕ ਛੁੱਟੀਆਂ ਕੀਤੀਆਂ ਜਾਣ।
Read also :https://phagwaranews.in/archives/6023
ਭਾਵ ਸਰਕਾਰ 31 ਅਕਤੂਬਰ ਤੋਂ 8 ਨਵੰਬਰ ਤੱਕ ਛੁੱਟੀਆਂ ਦਾ ਐਲਾਨ ਕਰੇ। ਹਾਲਾਂਕਿ ਸਰਕਾਰ ਨੇ ਇਹ ਮੰਗ ਨਹੀਂ ਮੰਨੀ ਹੈ। ਦੱਸ ਦਈਏ ਕਿ ਪਿਛਲੇ ਸਾਲ ਦੀਵਾਲੀ ਤੋਂ ਛਠ ਤੱਕ ਛੁੱਟੀਆਂ ਸਨ, ਪਰ ਇਸ ਵਾਰ ਦੀਵਾਲੀ ਦੀ ਛੁੱਟੀ ਸਿਰਫ਼ 1 ਦਿਨ ਹੈ।
ਬਿਹਾਰ ਸਿੱਖਿਆ ਵਿਭਾਗ ਵੱਲੋਂ ਇਸ ਸਬੰਧੀ ਨੋਟੀਫਿਕੇਸ਼ਨ ਜਾਰੀ ਕੀਤਾ ਗਿਆ ਹੈ, ਜਿਸ ਵਿੱਚ ਲਿਖਿਆ ਗਿਆ ਹੈ ਕਿ ‘ਛੱਠ ਤਿਉਹਾਰ ਦੇ ਮੱਦੇਨਜ਼ਰ ਸਾਲ 2024 ਦੀਆਂ ਨਿਰਧਾਰਤ ਛੁੱਟੀਆਂ ਤੋਂ ਇਲਾਵਾ ਖਰਨਾ (ਲੋਹੰਡਾ) 06.11.2024 (ਬੁੱਧਵਾਰ) ਨੂੰ ਛੁੱਟੀ ਘੋਸ਼ਿਤ ਕੀਤੀ ਗਈ ਹੈ। ਦੱਸ ਦਈਏ ਕਿ 5 ਨਵੰਬਰ ਨੂੰ ‘ਨਹੇ ਖਾਏ’ ਨਾਲ ਛਠ ਸ਼ੁਰੂ ਹੋ ਰਹੀ ਹੈ।ਛੱਠ ਦਾ ਤਿਉਹਾਰ ਮਨਾ ਰਹੇ ਅਧਿਆਪਕਾਂ ਨੇ ‘ਨਹੇ ਖਾਏ’ ਵਾਲੇ ਦਿਨ ਸਕੂਲ ‘ਚ ਛੁੱਟੀ ਨਾ ਹੋਣ ਕਾਰਨ ਨਾਰਾਜ਼ਗੀ ਜ਼ਾਹਰ ਕੀਤੀ ਸੀ,
ਜਿਸ ਤੋਂ ਬਾਅਦ ਸਿੱਖਿਆ ਵਿਭਾਗ ਨੇ ਛਠ ਤਿਉਹਾਰ ਦੇ ਦਿਨ ਵੀ ਛੁੱਟੀ ਦੇਣ ਦਾ ਫੈਸਲਾ ਕੀਤਾ ਹੈ। ਅਧਿਆਪਕ ਲਗਾਤਾਰ ਸਿੱਖਿਆ ਵਿਭਾਗ ਤੋਂ ਛੱਠ ਪੂਜਾ ਦੌਰਾਨ ਛੁੱਟੀਆਂ ਵਧਾਉਣ ਦੀ ਮੰਗ ਕਰ ਰਹੇ ਹਨ।ਇਸ ਦੌਰਾਨ ਅਧਿਆਪਕਾਂ ਦੇ ਅਸੰਤੁਸ਼ਟੀ ਉਤੇ ਬਿਹਾਰ ਦੇ ਸਿੱਖਿਆ ਮੰਤਰੀ ਸੁਨੀਲ ਕੁਮਾਰ ਨੇ ਕਿਹਾ ਕਿ ਵਿਭਾਗ ਇਸ ਮਾਮਲੇ ‘ਤੇ ਵਿਚਾਰ ਕਰੇਗਾ।
ਤੁਹਾਨੂੰ ਦੱਸ ਦਈਏ ਕਿ 31 ਅਕਤੂਬਰ ਨੂੰ ਦੀਵਾਲੀ ਦੀ ਛੁੱਟੀ ਸਿਰਫ 1 ਦਿਨ ਲਈ ਹੈ। ਛਠ 5 ਤੋਂ 8 ਨਵੰਬਰ ਤੱਕ ਹੈ। 7 ਅਤੇ 8 ਨੂੰ ਹੀ ਛੁੱਟੀ ਸੀ ਪਰ ਹੁਣ 6 ਨੂੰ ਵੀ ਹੋਵੇਗੀ। ਛਠ ਪੂਜਾ 5 ਤਰੀਕ ਤੋਂ ਸ਼ੁਰੂ ਹੁੰਦੀ ਹੈ।