ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਜੰਮੂ-ਕਸ਼ਮੀਰ ਪੁਲਿਸ ਨੇ ਵੱਧ ਰਹੇ ਅੱਤਵਾਦੀ ਹਮਲਿਆਂ ਨੂੰ ਖਤਮ ਕਰਨ ਲਈ ‘ਸਪੈਸ਼ਲ 8’ ਯੋਜਨਾ ਤਿਆਰ ਕੀਤੀ ਹੈ। ਇਸ ਦੇ ਤਹਿਤ ਜੰਮੂ-ਕਸ਼ਮੀਰ ਪ੍ਰਸ਼ਾਸਨ ਨੇ ਸ਼ੁੱਕਰਵਾਰ ਨੂੰ ਜੰਮੂ ਖੇਤਰ ਦੇ 6 ਜ਼ਿਲਿਆਂ ‘ਚ 8 ਐੱਸ.ਪੀ. ਖੇਤਰ ‘ਚ ਅੱਤਵਾਦੀ ਘਟਨਾਵਾਂ ‘ਚ ਵਾਧੇ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ ‘ਚ ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਇਹਤਿਆਤ ਦੇ ਤੌਰ ‘ਤੇ ਅਜਿਹਾ ਕੀਤਾ ਗਿਆ ਹੈ। ਗ੍ਰਹਿ ਵਿਭਾਗ ਦੇ ਪ੍ਰਮੁੱਖ ਸਕੱਤਰ ਚੰਦਰਕਾਰ ਭਾਰਤੀ ਵੱਲੋਂ ਜਾਰੀ ਹੁਕਮਾਂ ਅਨੁਸਾਰ ਕਠੂਆ, ਕਿਸ਼ਤਵਾੜ, ਊਧਮਪੁਰ, ਰਿਆਸੀ, ਰਾਜੌਰੀ ਅਤੇ ਪੁੰਛ ਜ਼ਿਲ੍ਹਿਆਂ ਵਿੱਚ ਅੱਠ ਐਸਪੀ (ਆਪਰੇਸ਼ਨ) ਤਾਇਨਾਤ ਕੀਤੇ ਗਏ ਹਨ।
ਇਸ ਹੁਕਮ ਅਨੁਸਾਰ ਕਠੂਆ ਅਤੇ ਰਾਜੌਰੀ ਜ਼ਿਲ੍ਹਿਆਂ ਵਿੱਚ ਦੋ ਐਸਪੀ (ਆਪਰੇਸ਼ਨ) ਹੋਣਗੇ, ਜਦੋਂ ਕਿ ਬਾਕੀ ਜ਼ਿਲ੍ਹਿਆਂ ਵਿੱਚ ਅਤਿਵਾਦ ਵਿਰੋਧੀ ਮੁਹਿੰਮਾਂ ਦਾ ਪ੍ਰਬੰਧਨ ਕਰਨ ਲਈ ਇੱਕ-ਇੱਕ ਐਸਪੀ ਅਪਰੇਸ਼ਨਜ਼ ਹੋਣਗੇ। ਇਹ ਐਸਪੀ ਆਪੋ-ਆਪਣੇ ਖੇਤਰਾਂ ਦੀ ਨਿਗਰਾਨੀ ਕਰਨਗੇ, ਸਖ਼ਤ ਕੰਟਰੋਲ ਯਕੀਨੀ ਬਣਾਉਣਗੇ ਅਤੇ ਚੌਕਸੀ ਵਧਾਉਣਗੇ। ਹੁਕਮਾਂ ਦੇ ਅਨੁਸਾਰ, ਨਿਸਾਰ ਅਹਿਮਦ ਨੂੰ ਕਠੂਆ ਵਿੱਚ ਕੰਢੀ ਅਤੇ ਸਰਹੱਦੀ ਖੇਤਰਾਂ ਲਈ ਐਸਪੀ (ਆਪ੍ਰੇਸ਼ਨ) ਵਜੋਂ ਤਾਇਨਾਤ ਕੀਤਾ ਗਿਆ ਹੈ। ਜਦੋਂ ਕਿ ਔਮੇਰ ਇਕਬਾਲ ਨੂੰ ਬਿਲਵਾਰ, ਬਾਨੀ, ਬਸ਼ੋਲੀ ਅਤੇ ਮਲਹਾਰ ਖੇਤਰਾਂ ਦੇ ਨਾਲ ਅੱਪਰ ਕਠੂਆ ਖੇਤਰ ਸੌਂਪਿਆ ਗਿਆ ਹੈ।
ਸਰਕਾਰੀ ਹੁਕਮਾਂ ਅਨੁਸਾਰ ਰਾਜੌਰੀ ਵਿੱਚ ਚਰਨਜੀਤ ਸਿੰਘ ਥਾਨਮੰਡੀ, ਦਰਹਾਲ, ਰਾਜੌਰੀ ਅਤੇ ਮੰਜਾਕੋਟ ਖੇਤਰਾਂ ਵਿੱਚ ਕਾਰਵਾਈਆਂ ਦੀ ਨਿਗਰਾਨੀ ਕਰਨਗੇ, ਜਦੋਂਕਿ ਵਜਾਹਤ ਹੁਸੈਨ ਭੂਦਲ ਅਤੇ ਕੰਢੀ ਪੱਟੀ ਲਈ ਜ਼ਿੰਮੇਵਾਰ ਹੋਣਗੇ। ਇਫਰੋਜ਼ ਅਹਿਮਦ ਕਿਸ਼ਤਵਾੜ, ਮਸ਼ਕੂਰ ਅਹਿਮਦ ਰਿਆਸੀ ਦੇ ਅਰਨਸ, ਗੁਲਾਬਗੜ੍ਹ, ਮਾਹੌਰ, ਚਸਾਨਾ ਅਤੇ ਪਸਾਨਾ ਖੇਤਰਾਂ, ਪ੍ਰਿਥਪਾਲ ਸਿੰਘ ਬਸਨਗੜ੍ਹ, ਊਧਮਪੁਰ ਦੇ ਡੱਡੂ ਅਤੇ ਲਾਟੀ ਖੇਤਰਾਂ, ਸਚਿਨ ਗੁਪਤਾ ਸੂਰਨਕੋਟ ਅਤੇ ਪੁੰਛ ਦੇ ਬੁਫਲਿਆਜ਼ ਖੇਤਰਾਂ ਵਿੱਚ ਅੱਤਵਾਦ ਵਿਰੋਧੀ ਮੁਹਿੰਮ ਦੀ ਕਮਾਨ ਸੰਭਾਲਣਗੇ।
ਸਰਕਾਰ ਦੇ ਇਸ ਤਾਜ਼ਾ ਹੁਕਮਾਂ ਅਨੁਸਾਰ ਇਨ੍ਹਾਂ ਸਾਰੇ ਐਸਪੀਜ਼ ਦਾ ਤਬਾਦਲਾ ਹਥਿਆਰਬੰਦ ਪੁਲਿਸ ਵਿੱਚ ਡਿਪਟੀ ਕਮਾਂਡੈਂਟ ਵਜੋਂ ਆਪਣੀਆਂ ਪਿਛਲੀਆਂ ਭੂਮਿਕਾਵਾਂ ਤੋਂ ਕਰ ਦਿੱਤਾ ਗਿਆ ਹੈ। ਜੰਮੂ ਖੇਤਰ ਵਿੱਚ 9 ਜੂਨ ਤੋਂ ਬਾਅਦ 18 ਅੱਤਵਾਦੀ ਘਟਨਾਵਾਂ ਤੋਂ ਬਾਅਦ ਵਧੀਆਂ ਸੁਰੱਖਿਆ ਚਿੰਤਾਵਾਂ ਦਰਮਿਆਨ ਇਹ ਫੈਸਲਾ ਲਿਆ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਹਾਲ ਹੀ ਦੇ ਸਮੇਂ ‘ਚ ਸਰਹੱਦ ਪਾਰ ਤੋਂ ਕਈ ਅੱਤਵਾਦੀ ਘੁਸਪੈਠ ਨੂੰ ਅੰਜਾਮ ਦਿੱਤਾ ਗਿਆ ਹੈ। ਸਰਹੱਦ ਪਾਰ ਤੋਂ ਆਏ ਇਨ੍ਹਾਂ ਅੱਤਵਾਦੀਆਂ ਨੇ ਫੌਜ ‘ਤੇ ਕਈ ਖਤਰਨਾਕ ਹਮਲੇ ਕੀਤੇ ਹਨ। ਜਿਸ ਵਿੱਚ ਕਈ ਜਵਾਨ ਸ਼ਹੀਦ ਹੋ ਚੁੱਕੇ ਹਨ।