ਸ਼ਨੀਵਾਰ ਸਵੇਰੇ ਕੈਨੇਡਾ ‘ਚ ਆਏ ਤੂਫਾਨ ਫਿਓਨਾ ਨੇ ਕਾਫੀ ਤਬਾਹੀ ਮਚਾਈ ਹੈ। ਤੂਫਾਨ ਕਾਰਨ ਹਨੇਰੀ ਦੀ ਰਫਤਾਰ ਬਹੁਤ ਤੇਜ਼ ਸੀ ਅਤੇ ਹਨੇਰੀ ਦੇ ਨਾਲ ਹੋਈ ਤੇਜ਼ ਬਾਰਿਸ਼ ਕਾਰਨ ਕਈ ਥਾਵਾਂ ‘ਤੇ ਵੱਡੇ-ਵੱਡੇ ਦਰੱਖਤ ਡਿੱਗ ਗਏ ਅਤੇ ਬਿਜਲੀ ਵਿਵਸਥਾ ਪੂਰੀ ਤਰ੍ਹਾਂ ਨਾਲ ਠੱਪ ਹੋ ਗਈ। ਪੂਰਬੀ ਕੈਨੇਡਾ ਵਿੱਚ 500,000 ਤੋਂ ਵੱਧ ਘਰਾਂ ਦੀ ਬਿਜਲੀ ਗੁੱਲ ਹੋ ਗਈ ਹੈ। ਲੋਕ ਬਿਜਲੀ ਅਤੇ ਪਾਣੀ ਤੋਂ ਸੱਖਣੇ ਹਨ।
ਕਨੇਡਾ ਵਿੱਚ ਗੰਭੀਰ ਤੂਫਾਨ ਫਿਓਨਾ ਨੇ ਸ਼ਨੀਵਾਰ ਸਵੇਰੇ ਲੈਂਡਫਾਲ ਕੀਤਾ, ਪੂਰਬੀ ਕਨੇਡਾ ਵਿੱਚ ਤੇਜ਼ ਹਵਾਵਾਂ ਦੇ ਨਾਲ ਭਾਰੀ ਮੀਂਹ ਪਿਆ ਅਤੇ ਪੰਜ ਲੱਖ ਲੋਕਾਂ ਲਈ ਬਿਜਲੀ ਬੰਦ ਹੋ ਗਈ। ਤੂਫ਼ਾਨ ਕਾਰਨ ਪੋਰਟੋ ਰੀਕੋ ਅਤੇ ਡੋਮਿਨਿਕਨ ਰੀਪਬਲਿਕ ਵਿੱਚ ਅੱਠ ਲੋਕਾਂ ਦੀ ਮੌਤ ਹੋਣ ਦੀ ਖ਼ਬਰ ਹੈ।
ਕੈਨੇਡੀਅਨ ਹਰੀਕੇਨ ਸੈਂਟਰ ਦੇ ਅਨੁਸਾਰ, ਤੂਫਾਨ ਸ਼ਨੀਵਾਰ ਸਵੇਰੇ ਪੂਰਬੀ ਗੈਸਬਰੋ ਕਾਉਂਟੀ, ਐਨ.ਐਸ. ਨੂੰ ਪਾਰ ਕੀਤਾ ਅਤੇ ਇਸ ਕਾਰਨ ਤੇਜ਼ ਹਵਾ ਨਾਲ ਮੀਂਹ ਪਿਆ। ਤੁਹਾਨੂੰ ਦੱਸ ਦੇਈਏ ਕਿ ਪਹਿਲਾਂ ਇਸ ਨੂੰ ਵਿਨਾਸ਼ਕਾਰੀ ਤੂਫਾਨ ਦੱਸਿਆ ਜਾ ਰਿਹਾ ਸੀ।
ਬਿਜਲੀ ਸੇਵਾ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈ
ਤੂਫਾਨ ਨੇ ਪੂਰੇ ਖੇਤਰ ਵਿੱਚ ਕਈ ਦਰਖਤ ਉਖਾੜ ਦਿੱਤੇ, ਕੁਝ ਬਿਜਲੀ ਦੀਆਂ ਤਾਰਾਂ, ਕਾਰਾਂ ਅਤੇ ਘਰਾਂ ‘ਤੇ ਵੀ ਡਿੱਗ ਗਈਆਂ, ਜਿਸ ਕਾਰਨ ਬਿਜਲੀ ਬੰਦ ਹੋ ਗਈ ਅਤੇ ਲੋਕਾਂ ਨੂੰ ਹਨੇਰੇ ਵਿਚ ਰਹਿਣ ਲਈ ਮਜਬੂਰ ਕੀਤਾ ਗਿਆ। ਕੇਪ ਬ੍ਰੈਟਨ ਖੇਤਰੀ ਮਿਉਂਸਪੈਲਿਟੀ ਦੇ ਮੇਅਰ ਅਤੇ ਕੌਂਸਲ ਨੇ ਬਿਜਲੀ ਦੇ ਵਿਆਪਕ ਕੱਟਾਂ, ਸੜਕੀ ਆਵਾਜਾਈ ਬੰਦ ਹੋਣ ਅਤੇ ਘਰਾਂ ਨੂੰ ਹੋਏ ਨੁਕਸਾਨ ਦੇ ਵਿਚਕਾਰ ਸਥਾਨਕ ਐਮਰਜੈਂਸੀ ਦੀ ਸਥਿਤੀ ਦਾ ਐਲਾਨ ਕੀਤਾ ਹੈ।
ਕਈ ਘਰਾਂ ‘ਤੇ ਡਿੱਗੇ ਵੱਡੇ-ਵੱਡੇ ਦਰੱਖਤ
ਕੇਪ ਬ੍ਰੈਟਨ ਖੇਤਰੀ ਨਗਰਪਾਲਿਕਾ ਦੀ ਮੇਅਰ ਅਮਾਂਡਾ ਮੈਕਡੌਗਲ ਨੇ ਐਸੋਸੀਏਟਿਡ ਪ੍ਰੈਸ ਨੂੰ ਦੱਸਿਆ ਕਿ “ਬਹੁਤ ਸਾਰੇ ਅਜਿਹੇ ਘਰ ਹਨ ਜੋ ਵੱਡੇ ਪੁਰਾਣੇ ਦਰੱਖਤਾਂ ਦੇ ਡਿੱਗਣ ਨਾਲ ਬੁਰੀ ਤਰ੍ਹਾਂ ਨੁਕਸਾਨੇ ਗਏ ਹਨ। ਕੁਝ ਘਰਾਂ ਦੀਆਂ ਛੱਤਾਂ ਪੂਰੀ ਤਰ੍ਹਾਂ ਟੁੱਟ ਗਈਆਂ ਹਨ, ਖਿੜਕੀਆਂ ਟੁੱਟ ਗਈਆਂ ਹਨ, ਉੱਥੇ ਵੱਡੀ ਮਾਤਰਾ ਵਿੱਚ ਮਲਬਾ ਇਕੱਠਾ ਹੋ ਗਿਆ ਹੈ। ਇਸ ਦੇ ਨਾਲ ਹੀ ਸਾਮਾਨ ਅਤੇ ਢਾਂਚੇ ਦਾ ਕਾਫੀ ਨੁਕਸਾਨ ਹੋਇਆ ਹੈ ਪਰ ਨਾਲ ਹੀ ਲੋਕਾਂ ਨੂੰ ਕੋਈ ਸੱਟ ਨਹੀਂ ਲੱਗੀ ਹੈ।
ਲੋਕ ਪਹਿਲਾਂ ਹੀ ਸੁਚੇਤ ਸਨ
ਤੂਫਾਨ ਤੋਂ ਪਹਿਲਾਂ ਦੇਸ਼ ‘ਚ ਕਰੀਬ 1.50 ਲੱਖ ਲੋਕਾਂ ਨੂੰ ਅਲਰਟ ਕੀਤਾ ਗਿਆ ਸੀ। ਨਿਊਜ਼ ਏਜੰਸੀ ਏਐਨਆਈ ਨੇ ਯੂਐਸ ਨੈਸ਼ਨਲ ਹਰੀਕੇਨ ਸੈਂਟਰ (ਐਨਐਚਸੀ) ਦੇ ਹਵਾਲੇ ਨਾਲ ਕਿਹਾ ਕਿ ਕੈਨੇਡਾ ਦੀਆਂ ਦੋ ਸਭ ਤੋਂ ਵੱਡੀਆਂ ਏਅਰਲਾਈਨਾਂ ਏਅਰ ਕੈਨੇਡਾ ਅਤੇ ਵੈਸਟਜੈੱਟ ਏਅਰਲਾਈਨਜ਼ ਨੇ ਸ਼ਨੀਵਾਰ ਤੜਕੇ ਪੂਰਬੀ ਕੈਨੇਡਾ ਦੇ ਨੋਵਾ ਸਕੋਸ਼ੀਆ ਵਿੱਚ ਹਰੀਕੇਨ ਫਿਓਨਾ ਦੇ ਲੈਂਡਫਾਲ ਤੋਂ ਬਾਅਦ ਖੇਤਰੀ ਸੇਵਾਵਾਂ ਨੂੰ ਮੁਅੱਤਲ ਕਰ ਦਿੱਤਾ