ਫਗਵਾੜਾ 22 ਸਤੰਬਰ
ਨਗਰ ਨਿਗਮ ਫਗਵਾੜਾ ਦੇ ਸਮੂਹ ਮੁਲਾਜਮਾ ਦਾ ਇਕ ਵਫਦ ਅੱਜ ਜੈ ਭੀਮ ਕਾਰਪੋਰੇਸ਼ਨ ਇੰਪਲਾਈਜ ਯੂਨੀਅਨ ਪੰਜਾਬ ਦੇ ਬੈਨਰ ਹੇਠ ਆਮ ਆਦਮੀ ਪਾਰਟੀ ਐਸ. ਸੀ. ਵਿੰਗ ਜਿਲ੍ਹਾ ਕਪੂਰਥਲਾ ਦੇ ਪ੍ਰਧਾਨ ਸੰਤੋਸ਼ ਕੁਮਾਰ ਗੋਗੀ ਨੂੰ ਮਿਲਿਆ। ਇਸ ਦੌਰਾਨ ਯੂਨੀਅਨ ਦੇ ਪ੍ਰਧਾਨ ਰੋਕੀ ਘਈ ਅਤੇ ਹੋਰਨਾਂ ਨੇ ਸੰਤੋਸ਼ ਕੁਮਾਰ ਗੋਗੀ ਨੂੰ ਇਕ ਮੰਗ ਪੱਤਰ ਦਿੱਤਾ ਜਿਸ ਵਿਚ ਓ.ਐਂਡ ਐਮ ਦਾ ਕੰਮ ਨਗਰ ਨਿਗਮ ਵਿਚ ਵਾਪਸ ਲੈਣ ਅਤੇ ਸਮੂਹ ਕੱਚੇ ਸਫਾਈ ਸੇਵਕਾਂ, ਸੀਵਰਮੈਨਾਂ, ਪੰਪ ਓਪਰੇਟਰਾਂ, ਪਲੰਬਰ, ਮੀਟਰ ਰੀਡਰ, ਡਰਾਈਵਰ ਤੇ ਹੋਰ ਆਉਟਸੋਰਸ ਕ੍ਰਮਚਾਰੀਆਂ ਨੂੰ ਸਿੱਧੇ ਤੌਰ ਤੇ ਨਗਰ ਨਿਗਮ ਵਿਚ ਭਰਤੀ ਕਰਨ ਦੀ ਮੰਗ ਕੀਤੀ। ਉਹਨਾਂ ਇਹ ਵੀ ਦੱਸਿਆ ਕਿ ਪੰਜਾਬ ਦੀਆਂ ਸਾਰੀਆਂ ਕਾਰਪੋਰੇਸ਼ਨਾਂ ਵਿਚੋਂ ਸਿਰਫ ਫਗਵਾੜਾ ਨਗਰ ਨਿਗਮ ‘ਚ ਹੀ ਓ.ਐਂਡ ਐਮ ਦਾ ਕੰਮ ਸੀਵਰੇਜ ਬੋਰਡ ਨੂੰ ਦਿੱਤਾ ਗਿਆ ਹੈ। ਸੰਤੋਸ਼ ਕੁਮਾਰ ਗੋਗੀ ਨੇ ਜਿੱਥੇ ਵਫਦ ਨੂੰ ਭਰੋਸਾ ਦਿੱਤਾ ਕਿ ਉਹਨਾਂ ਦੀਆਂ ਮੰਗਾਂ ਪੰਜਾਬ ਸਰਕਾਰ ਅਤੇ ਸਬੰਧਤ ਵਿਭਾਗ ਦੇ ਉੱਚ ਅਧਿਕਾਰੀਆਂ ਤੱਕ ਪਹੁੰਚਾਈਆਂ ਜਾਣਗੀਆਂ ਉੱਤੇ ਹੀ ਕਿਹਾ ਕਿ ਪਿਛਲੀਆਂ ਸਰਕਾਰਾਂ ਵਲੋਂ ਖਰਾਬ ਕੀਤੇ ਸਿਸਟਮ ਨੂੰ ਠੀਕ ਕਰਨ ਵਿਚ ਕੁੱਝ ਸਮਾਂ ਲੱਗੇਗਾ ਲੇਕਿਨ ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਪੰਜਾਬ ਦੀ ਆਮ ਆਦਮੀ ਪਾਰਟੀ ਸਰਕਾਰ ਕਾਰਪੋਰੇਸ਼ਨ ਕ੍ਰਮਚਾਰੀਆਂ ਦੀ ਹਰ ਜਾਇਜ ਮੰਗ ਨੂੰ ਜਰੂਰ ਪਰਵਾਨ ਕਰੇਗੀ। ਇਸ ਮੌਕੇ ਚੇਅਰਮੈਨ ਰਾਮ ਲਾਲ, ਵਾਈਸ ਪ੍ਰਧਾਨ ਗੁਰਪ੍ਰੀਤ ਰਾਮ, ਮੋਹਨ ਲਾਲ, ਧਰਮਵੀਰ ਸੇਠੀ, ਅਤੁਲ ਸ਼ਰਮਾ, ਸੰਜੀਵ, ਬਿੱਟੂ, ਹਰਮੇਸ਼ ਬੂਟਾ, ਰਮੇਸ਼ ਕਮਲ, ਪਵਨ ਨਾਹਰ, ਸ਼ੁਭਮ ਕੁਮਾਰ, ਮੋਹਨ ਲਾਲ, ਵਿਨੋਦ ਕੁਮਾਰ, ਬੰਟੀ ਹੰਸ, ਜੋਨੀ ਗਿਲ, ਸੰਜੀਵ ਕੁਮਾਰ, ਸਨੀ ਨਾਹਰ, ਸੁਨੀਲ ਕੁਮਾਰ, ਸੰਦੀਪ ਕੁਮਾਰ, ਬਿੱਲਾ ਅੰਡਵਾਨਾ, ਸਾਗਰ, ਅਭਿਸ਼ੇਕ ਕੁਮਾਰ, ਹਨੀ ਸੰਧੂ, ਅਰਜੁਨ, ਸਤਪਾਲ ਮੱਟੂ, ਦਿਰੂ ਸੇਠੀ ਤੋਂ ਇਲਾਵਾ ਆਪ ਆਗੂ ਵਿੱਕੀ ਸਿੰਘ, ਵਿਜੇ ਬੰਗਾ, ਜਤਿੰਦਰ ਨਾਹਰ, ਗੁਰਦੀਪ ਸਿੰਘ, ਬਲਜੀਤ ਸਿੰਘ, ਵਿਨੋਦ ਭਾਸਕਰ ਆਦਿ ਹਾਜਰ ਸਨ।