Latest news

ਪੰਜਾਬ ਸਰਕਾਰ ਦਾ ਵੱਡਾ ਕਦਮ : 15 ਮਾਰਚ ਤੋਂ ‘ਕੈਮਰੇ ਦੀ ਅੱਖ’ ਹੇਠ ਆ ਜਾਣਗੇ ਸਾਰੇ ਸਕੂਲ !

ਅਧਿਆਪਕਾਂ ਤੇ ਵਿਦਿਆਰਥੀਆਂ ਦੀ ਸੁਰੱਖਿਆ ਲਈ ਪੰਜਾਬ ਸਰਕਾਰ ਵੱਡਾ ਕਦਮ ਚੁਕਣ ਜਾ ਰਹੀ ਹੈ। ਭਾਰਤ ਸਰਕਾਰ ਦੀ ਸਮਗਰਾ ਸਿੱਖਿਆ ਸਕੀਮ ਅਧੀਨ ਰਾਜ ਭਰ ਵਿਚ ਸਾਰੇ ਸੈਕੰਡਰੀ ਸਕੂਲ ਅਤੇ ਐਲੀਮੈਂਟਰੀ ਸਕੂਲਾਂ ਵਿਚ ਸੀ.ਸੀ.ਟੀ.ਵੀ. ਕੈਮਰੇ ਲਾਉਣ ਦਾ ਕੰਮ ਸ਼ੁਰੂ ਕੀਤਾ ਗਿਆ ਹੈ। ਇਹ ਕੈਮਰੇ ਲਾਉਣ ਦੀ ਸਮਾਂ ਸੀਮਾ 15 ਮਾਰਚ ਮਿਥੀ ਗਈ ਹੈ।

PhotoPhoto

ਪੰਜਾਬ ਸਿਖਿਆ ਵਿਭਾਗ ਦੇ ਡਾਇਰੈਕਟਰ ਜਨਰਲ ਦਫ਼ਤਰ ਵਲੋਂ ਸਮੂਹ ਜ਼ਿਲ੍ਹਾ ਸਿਖਿਆ ਅਫ਼ਸਰਾਂ ਨੂੰ ਇਕ ਨੋਟੀਫ਼ੀਕੇਸ਼ਨ ਜਾਰੀ ਕਰ ਕੇ 15 ਮਾਰਚ ਤਕ ਕੈਮਰੇ ਲਾਉਣ ਦਾ ਕੰਮ ਪੂਰਾ ਕਰ ਕੇ ਖ਼ਰਚੀ ਰਾਸ਼ੀ ਦੀ ਵਰਤੋਂ ਸਰਟੀਫ਼ੀਕੇਟ ਭੇਜਣ ਦੀ ਸਖ਼ਤ ਹਦਾਇਤ ਕੀਤੀ ਗਈ ਹੈ। ਇਸ ਤਰ੍ਹਾਂ 15 ਮਾਰਚ ਤੋਂ ਬਾਅਦ ਪੰਜਾਬ ਦੇ ਸਾਰੇ ਸਕੂਲਾਂ ਦੇ ਅਧਿਆਪਕ ਤੇ ਵਿਦਿਆਰਥੀ ਸੀ.ਸੀ.ਟੀ.ਵੀ. ਕੈਮਰਿਆਂ ਦੀ ਨਿਗਰਾਨੀ ਵਿਚ ਹੋਣਗੇ।

PhotoPhoto

ਜ਼ਿਕਰਯੋਗ ਹੈ ਕਿ ਇਸ ਯੋਜਨਾ ਲਈ ਭਾਰਤ ਸਰਕਾਰ ਦੀ ਸਕੀਮ ਤਹਿਤ 1135.37 ਲੱਖ ਰੁਪਏ ਦੀ ਰਾਸ਼ੀ ਦਾ ਉਪਬੰਧ ਹੈ। ਇਸ ਵਿਚ 592.44 ਲੱਖ ਰੁਪਏ ਸੈਕੰਡਰੀ ਸਕੂਲਾਂ ਲਈ ਅਤੇ 542.93 ਲੱਖ ਰੁਪਏ ਐਲੀਮੈਂਟਰੀ ਸਕੂਲਾਂ ਲਈ ਹਨ। ਇਹ ਰਾਸ਼ੀ ਪਿਛਲੇ ਮਹੀਨੇ ਦੌਰਾਨ ਈ.ਟਰਾਂਸਫ਼ਰ ਵੀ ਕਰ ਦਿਤੀ ਗਈ ਹੈ।

PhotoPhoto

ਇਹ ਕੈਮਰੇ ਲਾਉਣ ਲਈ ਸਕੂਲਾਂ ਨੂੰ ਤਿੰਨ ਸ਼੍ਰੇਣੀਆਂ ਅਤਿਅੰਤ ਨਾਜ਼ੁਕ, ਨਾਜ਼ੁਕ ਅਤੇ ਘੱਟ ਨਾਜ਼ੁਕ ਵਿਚ ਵੰਡਿਆ ਗਿਆ ਹੈ। ਪਹਿਲੀ ਸ਼੍ਰੇਣੀ ਵਿਚ ਸਰਹੱਦੀ ਖੇਤਰ, ਸਿਖਿਆ ਪੱਖੋਂ ਪਛੜੇ ਸਕੂਲਾਂ, ਕੰਡੀ, ਬੇਟ ਦੇ ਪਹਾੜੀ ਖੇਤਰ, ਦੂਜੀ ਸ਼੍ਰੇਣੀ ਵਿਚ ਨਿਰੋਲ ਲੜਕੀਆਂ ਦੇ ਸਹਿ ਸਿਖਿਆ ਸਕੂਲ ਅਤੇ ਤੀਜੀ ਸ਼੍ਰੇਣੀ ਵਿਚ ਬਾਕੀ ਬਚਦੇ ਸਕੂਲ ਰੱਖੇ ਗਏ ਹਨ। ਸ਼੍ਰੇਣੀਆਂ ਦੇ ਆਧਾਰ ‘ਤੇ ਪਹਿਲ ਦੇ ਕੇ ਕੈਮਰੇ ਲਾਏ ਜਾਣੇ ਹਨ।

PhotoPhoto

ਡਾਇਰੈਕਟਰ ਜਨਰਲ ਸਕੂਲ ਸਿਖਿਆ ਵਲੋਂ ਜਾਰੀ ਨੋਟੀਫ਼ੀਕੇਸ਼ਨ ਦੀਆਂ ਹਦਾਇਤਾਂ ਮੁਤਾਬਕ ਸਕੂਲ ਦੇ ਦਾਖ਼ਲਾ ਗੇਟ ਜਿਸ ਦਾ ਫ਼ੋਕਸ ਸੜਕ ‘ਤੇ ਹੋਵੇ ਇਨ੍ਹਾਂ ਉਪਰ 24 ਘੰਟੇ ਹਰ ਮੌਸਮ ਵਿਚ ਚਲਣ ਵਾਲੇ ਸ਼ਕਤੀਸ਼ਾਲੀ ਸੀ.ਸੀ.ਟੀ.ਵੀ ਕੈਮਰੇ ਲਾਏ ਜਾਣੇ ਹਨ।

PhotoPhoto

ਇਸ ਤੋਂ ਇਲਾਵਾ ਬਾਥਰੂਮ ਤੇ ਪੌੜੀਆਂ ਦੇ ਨੇੜੇ, ਮਿਡ ਡੇ ਮੀਲ ਖਾਣਾ ਬਣਾਉਣ ਵਾਲੇ ਸਥਾਨ ਤੇ ਸਕੂਲ ਦੀ ਇਕਾਂਤ ਥਾਂ ਜਿਥੇ ਅਧਿਆਪਕਾਂ ਦੀ ਆਵਾਜਾਈ ਘੱਟ ਹੋਵੇ। ਇਹ ਕੈਮਰੇ ਲਾਉਣ ਦੀ ਹਦਾਇਤ ਕੀਤੀ ਗਈ ਹੈ। ਇਕ ਸਕੂਲ ਵਿਚ 4 ਤੋਂ 10 ਕੈਮਰੇ ਲੱਗਣਗੇ ਅਤੇ ਵਿਦਿਆਰਥੀਆਂ ਦੀ ਗਿਣਤੀ ਦੇ ਹਿਸਾਬ ਨਾਲ ਪ੍ਰਤੀ ਸਕੂਲ 30 ਹਜ਼ਾਰ ਰੁਪਏ ਦੀ ਰਾਸ਼ੀ ਦਿਤੀ ਜਾ ਰਹੀ ਹੈ।

Leave a Reply

Your email address will not be published. Required fields are marked *

error: Content is protected !!