Latest

ਦੋ ਮਹੀਨੇ ਲਈ ਬੰਦ ਹੋ ਰਿਹਾ ਹੈ ਜਲ੍ਹਿਆਂਵਾਲਾ ਬਾਗ, ਜਾਣੋ ਕੀ ਹੈ ਕਾਰਨ

ਭਾਰਤੀਆਂ ਦੁਆਰਾ ਕੀਤੇ ਗਏ ਅਜ਼ਾਦੀ ਸੰਘਰਸ ਦੀ ਵੱਡੀ ਘਟਨਾ ਨੂੰ ਯਾਦ ਦਿਵਾਉਂਦਾ ਹੈ ਜਲ੍ਹਿਆਂਵਾਲਾ ਬਾਗ

ਅੰਮ੍ਰਿਤਸਰ : ਗੁਰੂ ਨਗਰੀ ਅੰਮ੍ਰਿਤਸਰ ਵਿਖੇ ਸ੍ਰੀ ਦਰਬਾਰ ਸਾਹਿਬ ਦੇ ਨੇੜੇ ਮੌਜੂਦ ਜਲਿਆਂਵਾਲਾ ਬਾਗ ਹੁਣ 2 ਮਹੀਨੇ ਦੇ ਲਈ ਸੈਲਾਨੀਆਂ ਵਾਸਤੇ ਬੰਦ ਕੀਤਾ ਜਾ ਰਿਹਾ ਹੈ ਜਿਸ ਦਾ ਕਾਰਨ ਉੱਥੇ ਚੱਲ ਰਹੇ ਉਸਾਰੀ ਦੇ ਕੰਮ ਨੂੰ ਦੱਸਿਆ ਗਿਆ ਹੈ ਅਤੇ ਇਸ ਨੂੰ ਲੈ ਕੇ ਸ਼ਹੀਦੀ ਸਮਾਰਕ ਵੇਖਣ ਪਹੁੰਚਣ ਵਾਲੇ ਸੈਲਾਨੀਆਂ ਦੇ ਮਨ ਵਿਚ ਰੋਸ਼ ਵੀ ਪਾਇਆ ਜਾ ਰਿਹਾ ਹੈ।

PhotoPhoto

ਜਲ੍ਹਿਆਂਵਾਲਾ ਬਾਗ ਬੰਦ ਕਰਨ ਦੀ ਜਾਣਕਾਰੀ ਬਕਾਇਦਾ ਉੱਥੇ ਬੈਨਰ ਲਗਾ ਕੇ ਪਬਲੀਕ ਨੋਟਿਸ ਰਾਹੀਂ ਦਿੱਤੀ ਗਈ ਹੈ ਜਿਸ ਵਿਚ ਲਿਖਿਆ ਹੋਇਆ ਹੈ ਕਿ ਭਾਰਤ ਸਰਕਾਰ ਦੇ  ਉਪਕਰਮ ਦੇ ਰਾਹੀਂ ਭਾਰਤ ਦੇ ਪੁਰਾਤਤਵ ਸਰਵੇਖਣ ਵਿਭਾਗ ਦੀ ਦੇਖ-ਰੇਖ ਅਧੀਨ ਸਮਵਰਗੀ ਸੇਵਾਵਾਂ ਅਤੇ ਲਾਇਟ ਐਂਡ ਸਾਊਂਡ ਸ਼ੋਅ ਆਦਿ ਦੇ ਨਾਲ ਮਿਊਜੀਅਮ ਹੈਰੀਟੇਜ ਸੰਰਚਨਾਵਾਂ ਦੇ ਮੁੜ ਸਥਾਪਨ, ਸਾਂਭ ਅਤੇ ਸੰਭਾਲ ਦਾ ਕੰਮ ਕੀਤਾ ਜਾ ਰਿਹਾ ਹੈ। ਜਂਲ੍ਹਿਆਵਾਲਾ ਬਾਗ ਦੇ ਬੰਦ ਕਰਨ ਦੀ ਤਰੀਕ 15-02-2020 ਤੋਂ ਲੈ ਕੇ 12-04-2020 ਰੱਖੀ ਗਈ ਹੈ।

File PhotoFile Photo

ਜਲ੍ਹਿਆਵਾਲੇ ਬਾਗ ਵਿਚ ਚੱਲ ਰਹੇ ਉਸਾਰੀ ਦੇ ਕੰਮਾਂ ਨੂੰ ਲੈ ਕੇ ਉੱਥੋਂ ਦੇ ਸਥਾਨਕ ਲੋਕਾਂ ਵਿਚ ਵੀ ਰੋਸ ਪਾਇਆ ਜਾ ਰਿਹਾ ਹੈ ਉਨ੍ਹਾਂ ਦਾ ਕਹਿਣਾ ਹੈ ਕਿ ਜਲ੍ਹਿਆਵਾਲੇ ਬਾਗ ਵਿਚਲੀ ਪੁਰਾਣੀ ਦਿੱਖ ਨੂੰ ਹੀ ਬਰਕਰਾਰ ਰੱਖਣਾ ਚਾਹੀਦਾ ਹੈ ਕਿਉਂਕਿ ਇਹ ਸਾਨੂੰ ਸਾਡੇ ਇਤਿਹਾਸ ਦੀ ਯਾਦ ਦਵਾਉਂਦੀ ਹੈ ਕਿ ਕਿਵੇਂ ਸਾਡੇ ਪੁਰਖਿਆਂ ਨੇ ਅਜਾਦੀ ਲਈ ਆਪਣੀਆਂ ਜਾਨਾਂ ਦਿੱਤੀਆਂ ਸਨ।

File PhotoFile Photo

ਦੱਸ ਦਈਏ ਕਿ 12 ਅਪ੍ਰੈਲ 1919 ਨੂੰ ਜਲ੍ਹਿਆਂਵਾਲੇ ਬਾਗ ਵਿਚ ਸ਼ਾਂਤਮਈ ਤਰੀਕੇ ਨਾਲ ਇੱਕਠੇ ਹੋਏ 2 ਹਜਾਰ ਲੋਕਾਂ ਨੂੰ ਜਨਰਲ ਡਾਇਰ ਨੇ ਗੋਲੀਆ ਨਾਲ ਭੁੰਨਣ ਦੇ ਹੁਕਮ ਦੇ ਦਿੱਤੇ ਸਨ। ਲੋਕਾਂ ਨੇ ਆਪਣੀ ਜਾਨ ਬਚਾਉਣ ਦੇ ਲਈ ਉੱਥੇ ਮੌਜੂਦ ਖੂੰਹ ਵਿਚ ਛਾਲਾ ਮਾਰੀਆਂ ਸਨ ਜੋ ਕਿ ਅੱਜ ਵੀ ਉਸੇ ਤਰ੍ਹਾਂ ਆਪਣੀ ਪੁਰਾਣੀ ਦਿੱਖ ਵਿਚ ਮੌਜੂਦ ਹੈ। ਜਲ੍ਹਿਆਂਵਾਲਾ ਬਾਗ ਭਾਰਤ ਦੀ ਅਜ਼ਾਦੀ ਸੰਘਰਸ ਦੀ ਇੱਕ ਵੱਡੀ ਘਟਨਾ ਹੈ ਜਿਸ ਨੇ ਭਾਰਤੀਆਂ ਦੇ ਖੂਨ ਨੂੰ ਖੋਲ ਦਿੱਤਾ ਸੀ ਅਤੇ ਅੰਗ੍ਰੇਜਾ ਨੂੰ ਭਾਰਤ ਤੋਂ ਬਾਹਰ ਜਾਣ ਲਈ ਮਜਬੂਰ ਕਰ ਦਿੱਤਾ ਸੀ।

Leave a Reply

Your email address will not be published. Required fields are marked *

error: Content is protected !!