ਜੇਕਰ PNB ਵਿੱਚ ਹੈ ਤੁਹਾਡਾ ਖਾਤਾ ਤਾਂ ਪੜ੍ਹੋ ਖਬਰ, 1 ਫਰਵਰੀ ਤੋਂ ਇਨ੍ਹਾਂ ATM ਤੋਂ ਨਹੀਂ ਕੱਢ ਸਕੋਗੇ ਪੈਸੇ
ਨਵੀਂ ਦਿੱਲੀ: ਪੰਜਾਬ ਨੈਸ਼ਨਲ ਬੈਂਕ ਨੇ ਦੇਸ਼ ਭਰ ਵਿੱਚ ਵੱਧ ਰਹੇ ਏਟੀਐਮ ਧੋਖਾਧੜੀ ਨੂੰ ਰੋਕਣ ਲਈ ਇੱਕ ਵੱਡਾ ਕਦਮ ਚੁੱਕਿਆ ਹੈ। ਜੇ ਤੁਹਾਡਾ ਵੀ ਪੀਐਨਬੀ ਨਾਲ ਖਾਤਾ ਹੈ, ਤਾਂ ਇਹ ਤੁਹਾਡੇ ਲਈ 1 ਫਰਵਰੀ 2021 ਤੋਂ ਮਹੱਤਵਪੂਰਣ ਖ਼ਬਰ ਹੈ, ਪੀਐਨਬੀ ਗਾਹਕ ਨਾਨ-ਈਐਮਵੀ ਏਟੀਐਮ ਮਸ਼ੀਨਾਂ ਨਾਲ ਲੈਣ-ਦੇਣ ਨਹੀਂ ਕਰ ਸਕਣਗੇ। ਭਾਵ ਤੁਸੀਂ ਨਾਨ-ਈਐਮਵੀ ਮਸ਼ੀਨਾਂ ਤੋਂ ਕੈਸ਼ ਨਹੀਂ ਕਢਵਾ ਸਕੋਗੇ। ਪੀਐਨਬੀ ਨੇ ਆਪਣੇ ਅਧਿਕਾਰਤ ਟਵਿੱਟਰ ਹੈਂਡਲ ‘ਤੇ ਇਸ ਬਾਰੇ ਜਾਣਕਾਰੀ ਦਿੱਤੀ ਹੈ।
ਪੰਜਾਬ ਨੈਸ਼ਨਲ ਬੈਂਕ ਨੇ ਟਵੀਟ ਕੀਤਾ ਕਿ ਆਪਣੇ ਗਾਹਕਾਂ ਨੂੰ ਧੋਖਾਧੜੀ ਤੋਂ ਬਚਾਉਣ ਲਈ, ਪੀਐਨਬੀ 01.02.2021 ਤੋਂ ਗੈਰ-ਈਐਮਵੀ ਏਟੀਐਮ ਮਸ਼ੀਨਾਂ ਤੋਂ ਲੈਣ-ਦੇਣ (ਵਿੱਤੀ ਅਤੇ ਗੈਰ-ਵਿੱਤੀ) ’ਤੇ ਪਾਬੰਦੀ ਲਗਾਏਗੀ। ਗੋ-ਡਿਜੀਟਲ, ਗੋ-ਸੇਫ …! ਬੈਂਕ ਨੇ ਕਿਹਾ ਕਿ ਧੋਖਾਧੜੀ ਦੇ ਵੱਧ ਰਹੇ ਮਾਮਲਿਆਂ ਦੇ ਮੱਦੇਨਜ਼ਰ ਪੀ ਐਨ ਬੀ ਨੇ ਇਹ ਕਦਮ ਚੁੱਕਿਆ ਹੈ, ਤਾਂ ਜੋ ਗਾਹਕਾਂ ਦਾ ਪੈਸਾ ਸੁਰੱਖਿਅਤ ਰਹੇ। 1 ਫਰਵਰੀ ਤੋਂ, ਗਾਹਕ ਈਐਮਵੀ ਤੋਂ ਬਿਨਾਂ ਏਟੀਐਮ ਤੋਂ ਵਿੱਤੀ ਜਾਂ ਗੈਰ-ਵਿੱਤੀ ਲੈਣ-ਦੇਣ ਨਹੀਂ ਕਰ ਸਕਣਗੇ।
ਨਾਨ-ਈਵੀਐਮ ਏਟੀਐਮ ਕੀ ਹੈ?
ਆਓ ਅਸੀਂ ਤੁਹਾਨੂੰ ਦੱਸ ਦੇਈਏ ਕਿ ਨਾਨ-ਈਐਮਵੀ ਏਟੀਐਮ ਉਹ ਹੁੰਦੇ ਹਨ ਜਿਨ੍ਹਾਂ ਵਿੱਚ ਲੈਣਦੇਣ ਦੇ ਦੌਰਾਨ ਕਾਰਡ ਨਹੀਂ ਰੱਖਿਆ ਜਾਂਦਾ। ਇਸ ਵਿੱਚ ਡਾਟਾ ਨੂੰ ਇੱਕ ਚੁੰਬਕੀ ਮੈਗਨੇਟਿਕ ਸਟ੍ਰਿਪ ਰਾਹੀਂ ਪੜ੍ਹਿਆ ਜਾਂਦਾ ਹੈ। ਇਸ ਤੋਂ ਇਲਾਵਾ ਈਐਮਵੀ ਏਟੀਐਮ ’ਤੇ ਕੁਝ ਸਕਿੰਟਾਂ ਲਈ ਕਾਰਡ ਲਾਕ ਹੋ ਜਾਂਦਾ ਹੈ। ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਪੰਜਾਬ ਨੈਸ਼ਨਲ ਬੈਂਕ ਨੇ ਆਪਣੇ ਗਾਹਕਾਂ ਨੂੰ ਪੀ.ਐੱਨਬੀਵਨ ਰਾਹੀਂ ਆਪਣੇ ਏ.ਟੀ.ਐਮ ਡੈਬਿਟ ਕਾਰਡ ਨੂੰ ਚਾਲੂ / ਬੰਦ ਕਰਨ ਦੀ ਸਹੂਲਤ ਦਿੱਤੀ ਹੈ। ਜੇ ਤੁਸੀਂ ਆਪਣਾ ਕਾਰਡ ਨਹੀਂ ਵਰਤਦੇ, ਤਾਂ ਤੁਸੀਂ ਇਸਨੂੰ ਬੰਦ ਕਰ ਸਕਦੇ ਹੋ। ਇਸ ਤਰ੍ਹਾਂ ਕਰਨ ਨਾਲ, ਤੁਹਾਡੇ ਪੈਸੇ ਤੁਹਾਡੇ ਬੈਂਕ ਵਿੱਚ ਸੁਰੱਖਿਅਤ ਰਹਿਣਗੇ।
